Green House chinese medical clinic in Hong Kong, China
碧林堂中醫藥研療中心 碧林堂中醫藥研療中心

 

 

 

 

碧林堂中醫藥研療中心的最新消息
twitter the bird
碧林堂中醫藥研療中心的頻道

 

李小姐的穴位埋線減肥經歷

其實一直都在找方法減肥,跟很多很多女生一樣,不斷嘗試不同的奇怪方法。說真的,坊間那些減肥藥,減肥茶,很多很多都試過,真正減磅,其實並無成功過。大部分,都係令你腸胃好左,但我屬於那種長期都不能跟肥肉脫離的形。呢頭出,個頭食返就無晒。 本身體形不算肥,但就係非常圓潤,大腿、pat pat及手臂位好多肉。小腿同手骨個d 位就無肉,平時遮遮掩掩,得過且過。

後來就係台灣雜誌到見識到穴位埋線,係一種中西合璧的減肥方法。原理很簡單,人身體本身很多穴位,經過刺激後,就可以有助減肥。但傳統針灸係要一直keep 住去,先會達到減肥效過。所以,很多人針左一兩次就開始懶,漸漸就會無效果。再簡單d 講,即係平時針灸係用針,穴位埋線就將羊腸線取代針,係身體達到長期針灸效果。而穴位埋線就係將西醫攞黎做手術縫合既線,埋係減肥穴位到,以達到長期刺激穴道既效果。羊腸線係會自然地比人體吸收,其實本身係動物蛋白質,所以安全性什高。當然,原理其實有少許恐怖,因為當中涉及針灸,同埋始終係放d 野入身體到,好多人聽完都覺得怕。

後來有一個澳門朋友,係澳門醫院做過幾次穴位埋線,效果都好好,見佢成個人都瘦晒。同佢傾過幾次,就壯志雄心咁決定去試下。基於當時香港好多美容院的衛生及誠信什有問題,雖然香港有,但我都係驚。始終澳門個間係一間醫院,始終有一定誠信。 傳統中醫好多都未有做,有個d 都唔係純中醫,所以都係唔敢。

第一次係澳門做,只係做左十針,收費 HKD$400(十針都係係肚皮位置)其實就針足半個鐘,十個穴位都只係微痛。隔十日, 做埋腳同肚,今次做二十針,有好幾針,痛到入心,個醫師仲係咁問我點解d血唔停。佢好小有人流咁多血,仲要咁耐都唔止血。我當時諗,我點知?可能體質問題掛。

後來覺得澳門都係好遠,就試左銅鑼灣一間美容院,第一次試做好平,HKD$600有差唔多70針。全身前前後後都針晒。今次位醫師落針快好多,每針都唔痛,感覺佢d 線幼好多,但有幾個位,醫師都係問我點解咁多血。 基於上次經驗,我同佢講可能係體質問題,個幾個位出血比較多。仲話我d 血好毒,好黑。咁可能我身體真係唔好。當時心諗,我真係唔會知點解,快d幫我止血。

其實兩次效果都唔係好明顯,但胃口明顯就細左好多。加上一個療程要做六次,等身體習慣左,就會明顯瘦同落磅。但我兩次後就無繼續做落去。

終於,係六月再試一次碧林堂。今次都係係團購見到,斗膽再試一次。都係女醫師,今次呢位叫黎碧玉醫師。我一上到去就已經同定黎醫師講,話我會流好多血,叫佢唔駛驚。黎醫師就同我講,一般都唔會流好多血喎。咁我話我做過兩次,都有幾個穴位流左好多,仲要唔停。佢先幫我把把脈,解釋每個人體質唔同,有d 人身體需要藥物幫左,令到d 羊腸線吸收得好d。有d 身體好d 就唔駛執藥物幫助。以下係黎醫師做的過程:

首先,佢mark好晒要埋既穴位,再消毒兩次,就開始埋線。通常會先做肚皮,醫師會叫你吸氣——呼氣——,會係你呼氣,亦即肚皮最放鬆既時候落針。咁樣做,其實每個穴位都唔會話好痛,因為肚皮放鬆左,佢落針亦快,令到每個穴位都唔會太痛。最好笑係,我今次做左30幾針,無一個穴位係出血勁多,只有少少,醫師印一印,就止左血無再滲。亦即係話,我過去做個兩間,醫師手勢都唔太好,針到我血管,所以係咁流血,仲要係咁問我點解我會流咁多血。原來同樣係醫師,但手勢都有好大分別。

做完之後,我就決定買療程,因為我覺得手勢好既醫師好難揾。講真,有人介紹去澳門,都揾唔到個好手勢,難得呢位黎醫師針得咁好,所以就買左。加上,其實俾人針三十針,每針雖然係唔好痛,但唔痛唔痛加埋都好惡頂,個醫師手勢好,變相整個療程都快好多。我隔兩個禮拜去埋一次,每次都係30-40針左右,一共做左兩個療程,即係12次。而穴位埋線最好既地方係佢會減到你想減既地方,我以前一路都有做運動,有時可能會落左小小磅數,但肚腩、手臂、大臂位既肥肉係仍然係到。

而穴位埋線就係專門埋係你最想減既地方,所以,我磅數其實無乜太大上落下,我整體要瘦既地方都無左好多肉。成個人而家係無咁臃腫,腰位出返黎,大腿手臂明顯削左好多,可以講成個人都細隻左。我係無節食,亦最憎節食,唯一要戒凍野。但其實都唔係戒得好足,但盡量戒啦。 最重要係,我以前月經係一d都唔準,成日遲,每日次黎都痛到死,我做左穴位埋線後,月經準時到不得了,黎個時都唔再痛。因為穴位埋線係會令整個身體新陳代謝好左,亦有穴位專門針對子宮,減少月經黎既痛楚。如果你係個d 每個月比好多好多錢做美容院既減肥機,然後好似毫無進展。

我相信以美容院1/3 既價錢做穴位埋線,比做機更顯著, 身體仲要再好d,何樂以不為呢?再重申一次,做穴位埋線最好keep 住做,六次為一個療程。做一次減好多好多既,唔係個個都會,普通人正常要keep 住做,先會有明顯效果。個個人體質唔同,所以有d 人可以一次無幾磅,有d 做幾次先落小小。我就磅數無落到,但身體線條好左好多。

但真心奉勸各位,出面d 醫師真係好參差,我其實都涯過兩個唔係好好既中醫師,先至揾到碧林堂呢位黎醫師。 始終,穴位埋線都牽涉到針,血,線。 細菌最愛亦最易感染既野都會係穴位埋線過程發生,幫你做個個先係最重要。至於價錢方面,其實間間差唔多,都係第一次 HKD$300零,買療程差唔多都係要 HKD$900 - $1000(30-40針)。一個療程五六次咁,其實個價如果特別平,就自己小心。特別貴,就應該都係呃你,因為每個人用既線都係個d。有d 可能用幼線,收平d,效果無咁強同顯著。但粗線係會痛d。所以呢d 野都係自己衡量返。

祝大家減肥快樂!!!

Annette Lee

 

首頁>走進碧林堂認識醫師診療範圍療程介紹健康產品醫師大講堂媒體報導聯絡我們最新消息碧林頻道

 
熱線: 2375 2018 / 3482 5690             電郵: enquiry@ghtcm.com
版權所有 © 碧林堂中醫藥研療中心 | © All Rights Reserved. Green House Chinese Medical Clinic | Powered by team8 design